入伍

飛了三年，我終於等到被「踢入會」！
嚴格來說，是「踢入team」。

公司有好多會，最為人熟悉、令人畏懼嘅有「有格式請假監察會」、「長期請假關愛會」。
公司有條team，名為「sales team」。
顧名思義，佢係一條由一班跑數好叻、或者公司認為你跑數好叻嘅crew組成。
跑咩數？機上免稅品是也。
你可以自己請纓自薦入會；
亦可等人踢入會 –– 即公司就你過往嘅「業績」，而決定邀請你加入。

而每班機，都有一位身兼賣duty free的同事。
俗稱「賣bar」。
「身兼賣bar」嘅意思係指除咗做一般航班上嘅指定工作外，
再要賣bar。即人家工作完吃飯，他們要賣bar。
人家休息，可能他們還在忙賣東西。
某些特別好生意的航班更有「賣bar專員 –– BD」，
BD在航班上的工作只有一樣 –– 賣bar。
他們不用做賣bar以外的工作，只需專心賣bar。

膚淺嘅我一直認為被「踢入會」嘅都係靚女。
因為呢，我發現被踢入會嘅女crew都係靚女。（至少我飛過嘅都係）
我從來都賣得麻麻哋，就算出名賣得好嘅航班我都可以破天荒創新低。


今日，我終於被踢入會！
根據我嘅定義，即係我係靚女。
我今日晏晝收到「入隊通知書」時立刻心花怒放（爆）
開心咗一個晏晝。


雖然被踢入隊跟靚女其實丁點兒關係都沒有，
但係畀我膚淺開心下啦〜啦〜啦啦啦〜